لیتری به‌نزین له سه‌قز، 700 تمه‌نه

مانشێت نیوز، سه‌قز: زانرا که پاش تێپه‌ربوونی 3 مانگ به سه‌ر پرۆژه‌ی دابه‌‌شکردنی به‌نزین، له شاری سه‌قز، ئێستا له بازاری ئازاد، لیتری ئه‌م سووته‌مه‌نیه به 700 تمه‌نه و ڕانتی ئه‌م یه‌که‌ش بۆته هۆی ده‌وڵه‌مه‌ند بوونی هه‌ندێک له بازرگانان.

شارنیوز له سه‌قزه‌وه ڕاده‌گه‌یێنێ که پاش تێپه‌ربوونی 3 مانگ له سه‌ر به‌ڕێوه‌بردنی گه‌ڵاڵه‌ی فرۆشی به‌نزین به سه‌همیه، ئێستا له بازاری ئازادی ئه‌م شاره‌، لیتری به‌نزین به 700 تمه‌نه و ئه‌مه‌ش بۆته هۆی به‌ده‌ستهێنانی سامانێکی زۆر له بازرگانانی ئه‌م شاره که کڕین و فڕۆشی سووته‌مه‌نی ده‌که‌ن.

چاوه‌ڕوان ده‌کرێ له رۆژانی داهاتوو دا و به هۆی کۆتایی هاتنی، وه‌رزی هاوین و په‌ره‌سه‌ندنی کڕینی به‌نزین و دره‌نگ بوونی کارتی سووته‌مه‌نی نوێ ببێته هۆی به‌رزبوونی دووباره‌ی به‌های به‌نزین و ئه‌مه‌ش له خۆیدا، به پێی ئه‌و ڕانته‌ی که هه‌ندێک که‌س که‌ڵکی لێوه‌رده‌گرن، سامانێکی زۆر بکه‌وێته ده‌ستی بازرگانانانی سووته‌مه‌نی.